لمرة الأولى منذ توقيف زوجها الشيخ بهيج، خرجت الإعلامية منى أبو حمزة عن صمتها الذي كان لافتاً ووجَّهت رسالة إلى رئيس الجمهورية اللبنانية العماد ميشال سليمان.
ومن خلال صفحتها على Facebook، نشرتها أيضاً عبر حسابها الخاص على Twitter، وجَّهت أبو حمزة رسالتها مؤثرة جداً إلى فخامة الرئيس، جاء فيها:
إلى الرئيس ميشال سليمان
يا ريّسنا وحدك عارف قدّيش الظلم كبير
يا ريّسنا إنت شايف, بس العتم كتير!
يا ريّسنا إنت وطالع، نتفة بالطالع ضيعتنا
حبيناها وفديناها وهي بالقلب حطتنا
يا ريّسنا بس تسلّم اتطلع عكل الوجوه
منها زعلان ومتألم ومنها ساكت موجوع
ومنها صفرا صابها برد لحم كتافها مخلوع
يا ريّسنا إنت وطالع قدّم نتفة عضيعتنا
إذا بعض رجالها نسيونا
هيّ… ما نسيتنا
اسألها، مين الغطى ضهرك
يوم اللي كنتي برداني؟
مين النجح ومين الوِصل
وضلّو بالقلب خريباني؟
يا ريّسنا كانوا كتار، جابوني من بلدتنا
وتركت بدارنا أصحاب بكيوا بيوم فرحتنا
وتركت أيمن شهيد عتبان عغربتنا
قلتلو بكرا، من جديد، متثبّت عقيدتنا
ورجع أيمن وحب الكلّ وتشرب من ميّتنا
ومتل البيي ومتل الجدّ جمع الضيعة وعيلتنا
يا ريّسنا إنت وفالل مرّقني لحظة بالبال
إنت العالم، إنت العارف كيف الوضع والحال
لو دموعي بتكفي بخلّي دموعي شلال
لو كتافي بتوّفي بحطّهن عكتافي شال
كل الي انظلموا كل الما انفهموا
وانحطوا بالأغلال
ورسالة منى أبو حمزة هذه تأتي بعدما تمَّ توقيف زوجها رجل الأعمال بهيج أبو حمزة منذ نحو شهر في نظارة قصر بعبد، بتهمة انتحال صفة وإساءة أمانة في نادي الصفا لكرة القدم، قبل أن يتمَّ نقله إلى سجن روميه.